Coa ameaza do proxecto GS360 como punto de partida, o Salvamontes xurde como un movemento transversal, aberto e apolítico para concienciar á cidadanía da área de Vigo –e ás entidades públicas e privadas- da necesidade de preservar a nosa masa forestal.
Especialmente nas áreas periurbanas, os montes son espazos multifuncionais imprescindibles para o progreso e a calidade de vida da sociedade. Gozan de valor patrimonial e paisaxístico, absorben CO2, proporcionan oxígeno, actúan contra o quecemento global, son lugares de lecer e fonte de recursos naturais (auga, biomasa, etc) para a veciñanza.
En Galicia, o monte representa a nosa identidade, un elemento de unión entre o pasado e o futuro, un modo de vivir e entender esta terra que debemos protexer, por nós e polas xeracións vindeiras. Porque sen a nosa masa forestal non teremos unha Galicia verde.
GS360
A ameaza que orixina este movemento.
Promovido pola Sociedade Anónima Deportiva do Real Club Celta, o GS360 ocuparía ducias e ducias de milleiros de metros cadrados de masa forestal en Mos, montes que pretenden devastar para construír estradas, edificios, un hotel, outro estadio e máis áreas comerciais.
O monte que se quere expropiar (co apoio da Xunta de Galicia) para uso privado está catalogado como rústico de especial protección, goza dun gran valor patrimonial e proporciona auga e biomasa a miles de veciños e veciñas de Mos. Ademais, supón un espazo de esparexemento moi valorado e utilizado pola cidadanía.
O desenvolvemento do GS360 suporía a perda dunha ampla masa forestal de uso público para beneficio único dunha entidade privada, que ademais construiría infraestruturas innecesarias e duplicadas e deixaría sen agua a máis de 5.000 persoas.
Depende de nós decidir que vale máis. Salvemos o monte, protexamos o ecosistema e o noso modelo de vida.
Novas destacadas
AXENDA
6 de Outubro
I TRAIL SALVAMONTESDeporte, paisaxe e natureza para poñer en valor e defender os montes de Tameiga. Quince quilómetros de pistas, sendeiros e camiños, con saída e chegada no CSCD As Pedriñas. Prazas limitadas!
O sábado, 25 de maio, a Comunidade de Montes de Tameiga organiza unha saída de 9,5 quilómetros pola fervenza do río Liñares ou da Freixa, de trinta metros de desnivel. Unha ruta guiada por carballeiras, bosques de ribeira, camiños cheos de historia, pasarelas e muíños.
Infórmate nas redes de Tameiga e inscríbete no centro social As Pedriñas ou chamando ao 616523807.
1 de xuño
FEIRÓN DE ARTESANÍA “Salvamontes”O centro social e cultural “As Pedriñas” acolle o sábado, 1 de xuño, todo un día de feira grande. E con entrada de balde! Unha xornada na que amosar o valor do natural. Da man do colectivo Artesanía Local Trebello, case que medio centenar de profesionais exporán o seu traballo, desde a cerámica ao coiro, costura e ourivaría. E ademáis, xantar popular e moita música: Catuxa Salom ás 13:30 horas, As Darbukas Dacolá ás 16 h, Raposa ás 18 horas, e Aldaolado ás 20 horas.
Infórmate de todo nas redes sociais da Comunidade de Montes de Tameiga. Súmate ao movemento Salvamontes!
SÚMATE
Eres un ou unha Salvamontes? Incríbete para sumar o teu apoio á causa do monte, recibir todas
as novas e estar informado das actividades deste movemento cidadá.
Quen somos
O Salvamontes é unha plataforma impulsada por persoas comprometidas coa defensa e posta en valor do monte. Está aberta a tódalas entidades, asociacións e calquera colectivo que compartan esta sensibilidade. Quen formamos parte, polo de agora? A Comunidade de Montes de Tameiga e Ecoloxistas en Acción.
E ti? Queres formar parte do movemento Salvamontes?
