Skip to content
O termo fala por si mesmo. O Salvamontes é unha plataforma cidadá que, a través de información e actividades, procura a defensa e posta en valor do noso entorno natural, en particular dos nosos montes.
O movemento Salvamontes

Coa ameaza do proxecto GS360 como punto de partida, o Salvamontes xurde como un movemento transversal, aberto e apolítico para concienciar á cidadanía da área de Vigo –e ás entidades públicas e privadas- da necesidade de preservar a nosa masa forestal.

Especialmente nas áreas periurbanas, os montes son espazos multifuncionais imprescindibles para o progreso e a calidade de vida da sociedade. Gozan de valor patrimonial e paisaxístico, absorben CO2, proporcionan oxígeno, actúan contra o quecemento global, son lugares de lecer e fonte de recursos naturais (auga, biomasa, etc) para a veciñanza.

En Galicia, o monte representa a nosa identidade, un elemento de unión entre o pasado e o futuro, un modo de vivir e entender esta terra que debemos protexer, por nós e polas xeracións vindeiras. Porque sen a nosa masa forestal non teremos unha Galicia verde.

E ti? A que esperas para sumarte ao movemento Salvamontes?

GS360

A ameaza que orixina este movemento.

Promovido pola Sociedade Anónima Deportiva do Real Club Celta, o GS360 ocuparía ducias e ducias de milleiros de metros cadrados de masa forestal en Mos, montes que pretenden devastar para construír estradas, edificios, un hotel, outro estadio e máis áreas comerciais.

O monte que se quere expropiar (co apoio da Xunta de Galicia) para uso privado está catalogado como rústico de especial protección, goza dun gran valor patrimonial e proporciona auga e biomasa a miles de veciños e veciñas de Mos. Ademais, supón un espazo de esparexemento moi valorado e utilizado pola cidadanía.

O desenvolvemento do GS360 suporía a perda dunha ampla masa forestal de uso público para beneficio único dunha entidade privada, que ademais construiría infraestruturas innecesarias e duplicadas e deixaría sen agua a máis de 5.000 persoas.

Depende de nós decidir que vale máis. Salvemos o monte, protexamos o ecosistema e o noso modelo de vida.

Súmate ao movemento Salvamontes

Novas destacadas

O 4 de maio, primeira “andaina Salvamontes” para poñer en valor o patrimonio natural

A Comunidade de Montes de Tameiga organiza unha saída guiada de case 10 quilómetros pola fervenza do río Liñares, en A Lama, a primeira andaina que se organiza baixo o paraugas do “movemento Salvamontes” O “movemento Salvamontes” naceu hai uns meses para dar a coñecer á cidadanía a riqueza do patrimonio ambiental e natural galego e concienciar da necesidade de preservalo. Todo, co obxectivo final de defender a nosa masa forestal contra agresións como a que promove o Real Club Celta co seu proxecto GS360 nos montes de Tameiga. Precisamente a Comunidade de Montes de Tameiga celebra o próximo sábado, 4 de maio, a primeira “andaina Salvamontes”, aberta a todo aquel que se anote na oficina do centro social As Pedriñas ou no 616523807. O custo da inscrición é de cinco euros, de balde para as persoas socias das Pedriñas.…

Ler máis

AXENDA

SÚMATE

Eres un ou unha Salvamontes? Incríbete para sumar o teu apoio á causa do monte, recibir todas
as novas e estar informado das actividades deste movemento cidadá.

Quen somos

O Salvamontes é unha plataforma impulsada por persoas comprometidas coa defensa e posta en valor do monte. Está aberta a tódalas entidades, asociacións e calquera colectivo que compartan esta sensibilidade. Quen formamos parte, polo de agora? A Comunidade de Montes de Tameiga e Ecoloxistas en Acción.

E ti? Queres formar parte do movemento Salvamontes?

Infórmate en info@salvamontes.com
Volver arriba